Marta Domínguez pasa de ronda con apuros en Irlanda

A viguesa Marta Domínguez acadou onte a vitoria na segunda rolda do Irish Open de squash e tras estar exenta da primeira polo seu ránking. Iso si, a xogadora olívica padeceu bastante porque chegou ata o quinto xogo para acadar a vitoria contra a neerlandesa Jessica Van del Walt.

Comezou Domínguez con dous parciais moi claros ó seu favor con 11-3 e 11-8 para despois entrar en crise con dous 7-11 en contra, que deixaba o enfrontamento empatado. Regresou Domínguez ó seu mellor nivel para establecer un 11-6 que lle permite chegar a seguinte rolda, que xa será ante a segunda favorita á vitoria, Georgia Adderley.

En todo caso, gañar un partido xa sirve a Domínguez para sumar puntos no ránking no intento de entrar entre as 50 mellores do mundo.