O Kayak Vigo asina a terceira posición no festival canario

Vigo/ A zona da Etea albergou ó longo do fin de semana a segunda cita da Copa de España de kayak de mar. A sesión dominical estivo reservada á competición de barcos dobres e tamén serviu para resolver a clasificación por entidades do evento.

O día tivo un claro dominio dos padexeiros chegados dende as Canarias que acadaron a vitoria nas categorías sénior. Nunha regata disputada sobre 6.000 metros, o primeiro bote masculino foi o formado por Esteban Medina e Víctor Javier Rodríguez, mentres que en mulleres gañaron Sara Martí e Paula Ruíz. Todos eles dentro do Club Amigos del Piragüismo Canarias.

Precisamente, esta entidad rematou na segunda praza da clasificación xeral con 729 puntos. A primera posición foi para o Piragüismo Marlines de Lanzarote, que acadou 872 en dous días de competición. E no terceiro posto finalizou o Kayak Vigo, que alcanzou os 402 puntos para pechar o podio e poñer color local na clasificación xeral. O Olívico rematou na undécima praza.

Ademais do bronce na xeral, a proba sénior feminina contou co dúo formado por Nerea Martín e Clara Carrera no podio. Tamén asinaron a terceira praza. Un bronce de mérito, xa que os piragüistas canarios e asturianos, especiamente o sábado, amosaron un notable nivel nas augas da Ría de Vigo.