Juan Saavedra afronta o Europeo de tiro paralímpico

O tirador vigués Juan Antonio Saavedra e o vasco Ager Solabarrieta serán as principais bazas da delegación española no Campionato de Europa de Tiro Paralímpico con Carabina que se disputa na cidade de Osijek (Croacia) dende hoxe ó 7 de outubro. Na competición para persoas con discapacidade física, a principal esperanza de medalla será o pontevedrés afincado en Vigo, triplo medallista en Xogos Paralímpicos e campión de Europa en 2023 e bronce o ano pasado. Ó seu carón, Fernando Michelena e Carlos Linares. Como é habitual, Saavedra realizará dúas probas, a carabina de 10 metros de aire e a raíña, o rifle de precisión de 50 metros en posición tumbada. Aínda que a súa principal disciplina é a segunda, xa obtivo preseas internacionais nas dúas.

Por outra banda, Ager Solabarrieta, acompañado por Maite Badiola como guía, competirá nas modalidades de pé e tendido coa idea de poder estar na pelexa polas medallas, algo que saboreou noutras ocasións previas.