Javier Otero, cun gran torneo, cólgase o bronce en Bulgaria

Esta fin de semana disputouse o Open de Bulgaria (G-2) en Sofía. Alí o vigués Javier Otero (-54 kg) asinou unha gran competición. Na primeira rolda venceu ao bielorruso Mikita Belavyi en dous asaltos. Nos cuartos de final superou ao saudí Abdullah Almushraf, garantindo así a medalla. Xa na semifinal volveu enfrontarse a un deportista bielorruso, Yahor Kazlov, ante o que caeu en dous asaltos. A pesar diso, o galego completou unha actuación moi sólida durante todo o torneo que lle valeu un bronce.

O certo é que taekwondo galego volveu brillar a nivel internacional e trouxo da capital búlgara catro medallas, unha prata e tres bronces. Ao terceiro posto de Javier Otero, sumáronse outras dúas preseas de bronce: a de Sergio Troitiño (-87 kg) e Ekaterina Rebón (-62 kg), ademáis da prata de Helena García (-73 kg).