Isma Martínez: "Estamos contentas porque o plan de partido saiu perfecto"

O adestrador do Conservas Orbe Zendal Porriño, Isma Martínez, explicou sobre a vitoria de onte que “estamos moi contantas porque o plan do partido saiu á perfección. A gran diferenza con outros encontros foi o acerto de cara a portería, especialmente no extremo esquedo con Laguna. Isto ampliou moito o campo e atopamos solucións noutras zonas”.

O preparador engadiu que “defensivamente, estivemos realmente ben, igual que levamos todos estes últimos partidos. Atrás, o equipo non ten dúbidas, pero si que tiña unha sequía goleadora moi gorda. Hoxe saiu todo e nós íamos trocando a forma de atacar conforme o Guardés facía adaptacións”. E, sobre momentos puntuais, “o final da primeira parte saiunos ben o xogo con dúas pivotes e no inicio da segunda, a defensa contra sete permitiunos marcar goles fáciles. A diferenza no marcador non a vimos perigar porque as xogadoras estaban moi tranquilas no campo. Dá confianza".

Para rematar, o preparador engadiu que “é unha vitoria xusta e merecida pero somos conscientes de que nos cambiaríamos polo Guardés cos ollos pechados porque están na fase final da Copa, en Europa e cuartas en liga. Ogallá poidamos volver a xogar no ‘play-off’ de liga, pero mellor en rondas máis avanzadas”. Deste xeito, o preparador morracense recoñecía a gran tempada do seu rival, que gañou o encontro da primeira volta pero onte estivo lonxe da vitoria.