Goleada do Sárdoma ó Barbadás con protagonismo para Nati

Partido moi cómodo para o Sárdoma, que goleou ó pechacancelas da táboa, o Barbadás. O equipo vigués adiantouse no segundo minuto de xogo por medio de Yuss e durante toda a primeira metade acumulou ocasións para ampliar a renda, pero careceu de acerto na definición.

Esta circunstancia cambiou de xeito notable tralo paso polos vestiarios porque ó cuarto de hora da segunda metade chegou o gol de Nati. Recortou distancias o Barbadás, pero sucedéronse os tantos, un tras outro. A dianteira do Sárdoma anotou ata catro dianas, sempre con remates dentro do área tras boas combinacións das súas compañeiras.

Con esta vitoria, o Sárdoma ascende varios postos na clasificación e chega á última xornada con opciónes de alcanzar a terceira posición. Nestes momentos, o equipo vigués está situado na quinta praza a un punto do terceiro, que é o Villestro.

Trala visita ó Orzán, o equipo vigués rematará o campionato nas Relfas ante un rival directo como o Victoria.

Sárdoma:

Anita, Yudith, Paula, Desi, Fátima Area, Ildara, Raquel Xavi (Irina, min. 57), Yuss (Marta, min. 50), Joana (Sheila, min. 57), Tami (Silvia Estévez "Cuchi", min. 57), Nati.

Barbadás:

Bárbara, María, Pazy, Su, Ilenia (Janoli, min. 46), Cris (House, min. 75), Elena, Mónica, Yanina (Ari, min. 75), Alba, Andrea.

Goles:

1-0, min. 2: Yuss; 2-0, min. 60: Nati; 2-1, min. 63: Cris, de penalti; 3-1, min. 67: Nati; 4-1, min. 72: Nati; 5-1, min. 78: Nati; 6-1, min. 81: Fátima Area.

Árbitro:

David Novás Benavides. Non amosou cartóns neste partido.