Empate algo aburrido nos Carrís

Partido de moito ritmo, boas intencións e escasas opcións de gol. O Choco foi o que máis tentou ter o balón ante o Barbadás, que, a pesar de estar na zona de descenso, chegou ó partido despois de dúas vitorias tras axustar todo o seu sistema defensivo.

De feito, onte amosouse no seu campo como unha formación dura atrás. Na primeira metade as opcións de gol foron escasas e destacou un pase profundo cara Ricar que controlou longo, a oportunidade marchou pola liña de fondo antes do descanso.

Xa no segundo tempo, os dous equipos saltaron ó terreo de xogo coa intención de continuar na liña marcada. O Barbadás estaba cómodo nun partido no que apenas concedía ocasións ante un Choco que buscaba a elaboración, pero no que perdeu capacidade ofensiva coas baixas de Antón Escobar e, especialmente, Comis.

No segundo tempo, o Barbadás tivo unha opción de gol que tapou Cortegoso e, ó cuarto de hora da reanudación, o equipo de Redondela pediu unha pena máxima por unha patada de Ilyes a Marcos Pérez, que se adiantou ó defensa para sacarlle o balón. O árbitro non observou falta.

Os últimos minutos estiveron marcados polas accións a balón parado, aínda que sen demasiado perigo. O visitante Ricar volveu ter un man a man, pero controlou longo ante Rui Filipe, mentres que o local Nespereira enviou un disparo ó lateral da rede. Algunha ocasión, pero sen goles.n