Dapena lidera ó Sieiro no Mundial de Tokio

nnn A expedición do Club de Ximnasia Sieiro regresou onte a Vigo tras a participación no Campionato do Mundo de ximnasia acrobática disputado na cidade de Tokio ata o pasado domingo e no que destacou Aintzane Dapena.

A representante do club vigués finalizou na undécima posición no dobre minitramp dentro da categoría de 17 a 21 anos. Nesta mesma división, rematou décimo sétima en tumbling con marca persoal.

Pola súa banda, Lucía Pereira rematou na duodécima praza para categoría de 13 e 14 anos en dobre minitramp. Nesta mesma franxa de idade, Anxo Suárez rematou vixésimo en dobre minitramp e vixésimo sexto en tumbling. Mentres que Ester Pacheco rematou na vixésimo novena praza en tumbling.

Por último, Anais Flores, rematou décimo cuarta en tumbling dentro da categoría de idade 11 e 12 anos. Foi a súa primeira experiencia nun Campionato do mundo de ximnasia acrobática.

O grupo estivo acompañado polos adestradores Sara Penedo e Iván Estévez. Penedo recoñeceu que o dúo técnico está "moi contento e orgulloso dos resultados. Todos afrontaron a competición con moi boa actitude, aumentaron a dificultade dos exercicios e superaron marcas persoais. Despois deste peche de tempada a idea é seguir crecendo, aprender, mellorar e coller forzas para o novo curso".

A presencia viguesa na cita mundialista completouse coa participación de Silvia Cabaleiro, que exerceu de xuiza. Unha ampla representación olívica.n