O Cultural Areas visita ó Barbadás co reto de gañar lonxe de A Lomba

Ata agora, o equipo de Ponteareas asina uns rexistros horribles como visitante. Só logrou catro puntos a domicilio no que vai de curso e o seu adestrador, Fonsi Valverde, indicou que 'o Barbadás é un equipo experimentado, con moitos xogadores que pasaron polo Ourense e que ten oficio. É defensivo, pero trataremos de sumar os tres puntos'.

Para este enfrontamento, o Areas conta coas baixas de Sito e Pichi. Ó longo da semana coñeceuse a saída do equipo de Alberto Rey e Isma, mentres que Víctor Besada, a última incorporación, non entrou na convocatoria. O Areas ten un punto de marxe sobre a zona de descenso.