O celeste faise visible no poliédrico colorido atlético

Atletismo

A CorrexSalceda reuniu onte a máis de 700 atletas, con vitoria de Hugo Suárez e Uxía Pérez

As categorías inferiores e as de maiores comezaron a gran velocidade polas rúas de Salceda. | Jorge Santomé

Deporte en familia, para nenos e maiores. Sempre animando os adultos, algo máis dispersos os cativos cando son seareiros ó outro lado do valado. Así é a historia da CorrexSalceda, unha desas carreiras populares que xa estan feitas toda unha celebración familiar. Onte tivo a máis de 700 corredores polas rúas e sendas do municipio do río Caselas.

Entre os maiores, a vitoria na proba principal de 10 quilómetros foi para os célticos Hugo Suárez (35:30) e Uxía Pérez (38:54). En 5.000 metros, acadaron a primeira posición Luis Piña (16:53) e Marta Pereira-Borrajo (21:15). Nos cativos, os gañadores foron Breixo Pereiro (1:25) e Gabriela López (1:28) na categoría C (nados entre 2016-2018); Hugo Vila (4:07) e Sabela Gándara (4:14), na categoría B (2013-15); e Adrián Estévez (9:05) e Ariadna Martínez (11:14), na categoría A (2010-12). As carreiras de biberón careceron de clasificacións.

Contenido patrocinado