Carlos Bellvís, descartado para xogar contra o Xerez

O lateral esquerdo do Celta de Vigo Carlos Bellvís non xogará o vindeiro domingo contra o Xerez despois de confirmarse que sofre unha escordadura acromioclavicular no seu ombro esquerdo, lesión que se produciu no partido de onte contra o Real Valladolid.

'No primeiro tempo sufriu unha caída sobre o seu ombro esquerdo, por iso tivo que ser substituído. En principio non terá ningún problema importante aínda que, pola forte dor que sofre, non poderá xogar esta fin de semana', indicou o xefe dos servizos médicos do Celta, Juan José García Cota.

O tamén médico da selección española de fútbol explicou que o futbolista se someterá nas próximas horas a un estudo radiográfico para descartar que sofre 'unha lesión ósea e que en vez dunha escordadura sexa unha inestabilidade da articulación'.

'No caso de non sufrir nada disto incorporaríase a próxima semana ao traballo de maneira progresiva e o tempo de baixa dependería da tolerancia que teña a molestia, aínda que podería estar arredor das dúas semanas', comentou.

Contenido patrocinado