Agora faltan goles no Porriño

Cos partidos, co tempo, aparecen os puntos débiles e o Conservas Orbe Zendal Porriño esta nese punto. A marcha en xaneiro de Paulina Buforn e Aitana Santomé repercutiu en moitos trocos internos e, coas semanas, no que temía o se preparador, Isma Martínez: a falta de goles. O conxunto louriñés continúa sendo solvente na parcela defensiva, encaixa pouco e loita os partidos. Pero agora carece da anotación que tiña antes. Faltan argumentos combinativos, segunda onda de contraataque, un para un e xogo de continuidade. Esta perda ten que compensala con outros argumentos e, ata o momento, non aparecen porque os extremos producen pouco e na primeira liña o traballo de Bruna Ribeiro e Vicky Zsembery non chega para tapar as carencias xeneradas. Os trocos tamén inciden na baixa aportación de Adriana Mallo e Caro Bono que, moi cargadas de minutos, perden efectividade na definición.

E así, o Porriño perdeu onte na visita ó Elche nun partido que podía deixar pechado un posto entre os oito primeros equipos da División de Honra. Terá que seguir loitando o equipo ata o final de curso porque marcha na sexta praza con sete puntos sobre o noveno. Iso si, o equipo ilicitano xa está a tres puntos na táboa.

O encontro comenzou con mando local nun contexto de poucos goles que chegou co 11-9 ó descanso. Trala paso pos vestiarios, apertou o encontro o equipo de Isma Martínez (14-14) pero a reacción quedou aí. Unha exclusión de Zhukova volveu a impulsar ó Elche, que xa non perdeu o mando do enfrontamento e gañou por catro tantos de renda. A formación vermella intentouno, pero faltaron goles para loitar pola vitoria. Tivo ataques e momentos para tentar axustar de novo o enfrontamento, pero as opcións quedaron en nada.

O vindeiro sábado, o equipo louriñés recibe no seu pavillón ó Rocasa Gran Canaria, un dos tres equipos que loita pola primeira praza la liga regular. Moitas dificultades neste treito de tempada para a formación de Isma Martínez.