Adriana Mallo, Ugazi Manterola e Isabela Ferrarin chegan ó Porriño

O Conservas Orbe Zendal Porriño, que xoga mañá as semifinais da European Cup ante o Hazena Kynzvart checo, pero nos últimos días pechou os trámites de varias fichaxes para o vindeiro curso e, con eles, compensa as baixas xa confirmadas nas últimas semanas. Ademais da húngara Viktória Zsembery, tamén xogarán no equipo louriñés a viguesa Adriana Mallo, a vasca Ugazi Manterola e a brasileira Isabela Rodrigues Ferrarin.

Mallo milita na presente tempada no Beti-Onak pamplonés e xogou a pasada final da Copa da Raíña. A xogadora, canteirá do Carballal, optou polo club navarro cando comezou a etapa universitaria. Agora regresará a preto da casa e recalará o vindeiro curso no equipo louriñés. Se non hai trocos inesperados, coincidirá con Sergio Mallo, que este ano é asistente de Isma Martínez. É unha lateral que nos últimos anos destacou en facetas defensivas no centro da zaga, aínda que no equipo vigués participaba en ataque.

As chegadas de Ugazi Manterola e Isabela Rodrigues Ferrarin foron adiantadas polo medio dixigal Deporte 100x100 e confirmadas por Atlántico. Manterola é unha extremo dereita, zurda de lanzamento, de 20 anos e moi prometedora ata o punto que chegou a debutar coa selección absoluta de España en 2022. Non obstante, algúns problemas físicos pararon a súa evolución. Milita no Zuazo. Rodrigues Ferrarin é unha porteira de moita experiencia ós seus 31 anos. Procede do Morvedre.