A Aceleradora do Deporte estuda 14 novos proxectos

Industria do deporte

A aceleradora da Xunta e o Clúster do Deporte seleccionará nos próximos días as ideas que entrarán no programa de incubación

A xornada de presentación dos proxectos desenvolveuse onte nas instalacións do Náutico de Vigo.

A Business Factory Sport, a aceleradora do deporte de Galicia promovida pola Xunta de Galicia e o Clúster da Industria do Deporte e o Benestar, organizou onte en Vigo o seu ‘Startup Day’ de Innovación, un evento no que 14 proxectos seleccionados presentaron as súas ideas para entrar no programa de aceleración e saír ao mercado.

Entre os participantes destacaron iniciativas como Wisify Tech Solutions, Proteckthor, Vizi, Academia Tecnifícat, Pulsar, tuFoot, iNNOHEROICA, RunRisk, Blink Light Saddles, Esportian Education, The Cubelo´s Academy, TotalThlon, Trim e Probillairbot. Dez destes proxectos son galegos, mentres que os outros catro proceden de Porto, Madrid, Barcelona e Álava.

Nos próximos días, o Comité Executivo, formado polo IGAPE e o Clúster do Deporte, decidirá cales dos proxectos entrarán no programa de incubación, que se celebrará do 26 de xaneiro ao 20 de marzo, co obxectivo de impulsar o talento e a innovación na industria galega do deporte.

Contenido patrocinado