Ateneo Atlántico homenaxea a Díaz Pardo cos seus debuxos

O Ateneo Atlántico súmase aos actos polo centenario de Isaac Díaz Pardo (Santiago, 1920-Coruña, 2012) cun encontro este xoves no Marco. Presentarase a publicación facsimilar de “Unha presa de dibuxos feitos por Isaac Díaz Pardo de xente do seu rueiro”, considerada unha das súas obras máis singulares. Foi reeditada polo Ateneo de Santiago e Deputación Provincial de Coruña.

Trátase dun recreación do orixinal impreso en Buenos Aires en 1956 en Ediciós Arsnovos, cabeceira trala que estaba Lúis Seoane. Combina texto e ilustracións. “Contén un tipo de tintas moi semellantes ás obras que se expoñen do artista na pinacoteca viguesa Fernández del Riego”, apuntan dende o Ateneo, referíndose aos fondos municipais dunha das últimas donacións a Castrelos, en maio de 2019. Formaba parte do lote de cedido polos herdeiros de Tomás Barros Pardo. Son un total de 58 tintas de Díaz Pardo, doce delas ilustracións realizadas para a revista “Aturuxo” (1952) e 46 imágenes do libro “Espantapájaros”, de Tomás Barros Pardo.

No acto, organizado polo Ateneo Atlántico en Vigo, analizarase a aportación artística destos debuxos. Contará como convidado especial ao fillo do homenaxeado, Xosé Díaz, pintor e axente artístico. Acompañaron na mesa redonda Xosé Ramón Pousa, xornalista e profesor de comunicación audivisual da Universidade de Santiago e Carlos Bernárdez, crítico de arte e comisario. O debate estará moderado por Marta Viana, responsable de comunicación e didáctica do Museo de Arte Contemporánea de Vigo.

“A actividade renacentista de Díaz Pardo ten múltiples facetas, entre elas o de recuperador da memoria artística, industrial, política e intelectual de Galicia como dinamizador de grandes proxectos culturais e empresariais; todo un acervo que debe ser obxecto de análise en creativo diálogo co noso presente”, apuntan dende o Ateneo do promotor de iniciativas como Sargadelos, Ediciós do Castro ou o Museo Carlos Maside.

O aforo será limitado a 33 prazas, previa reserva.