Segue a manipulación no Goberno de coalición

Estes días, durante o debate para os futuros orzamentos do Estado, viuse máis claro que nunca como o socio de Sánchez, Unidas Podemos, está a marcar o roteiro que debe seguir, así como os socios que ten que elixir para aprobar os mesmos.

Parece que teremos orzamentos, diso non hai dúbida; con todo, Sánchez desprezou ao BNG, que sen dúbida foi fundamental ata fai nada para outros mesteres. Quizais o principal culpable de obviar a Néstor Rego foi seguramente o señor Iglesias; ainda estará doído polos resultados de que a súa formación tivo nas pasadas eleccións galegas. Non queda nada, que espere a que cheguen as catalás; aí o trompazo vai ser máis ou menos o mesmo. Facendo un resumo de como quedou o Congreso, non pinta nada ben para o actual Goberno, xa que, apoiar os orzamentos non implica que os que o fixeron fagan o mesmo noutras cousas que o Goberno tente sacar adiante. Cada cousa que se expoña vai custar pero que moi caro. Veremos ata onde vai ceder o señor presidente.