Atlántico

VIGO

“Gañar o premio adicado a Vidal Bolaño é o que máis ilusión fai”

Fernando Castro Paredes fíxose coa primeira edición do Certame para textos teatrais convocado por Galaxia

O xurado reuníuse en Vigo para decidir o fallo do certame de textos teatrais propiciado por Galaxia.
O xurado reuníuse en Vigo para decidir o fallo do certame de textos teatrais propiciado por Galaxia.
“Gañar o premio adicado a Vidal Bolaño é o que máis ilusión fai”

nnn Sther F. Carrodeguas, Roi Vidal, Paula Carballeira, Manuel Núñez Singala, Delio García Represas, e a dramaturga Raquel Castro como secretaria con voz, pero sen voto, decidiron en Vigo outorgar o premio Roberto Vidal Bolaño a Fernando Castro Paredes, polo seu texto teatral “A derradeira bala”. O xurado destacou da obra gañadora a habilidade coa que o autor trata temas como o amor e a guerra dunha maneira lúdica e sinxela. Ao tempo que leva a cabo un tratamento do absurdo dos conflitos bélicos dende o propio absurdo. 
Castro Paredes, profesor do IES de Cee, recoñece que “gañar un premio adicado a Roberto Vidal Bolaño é o máis ilusión me fai de todo, foi un personaxe importantísimo, un píar da literatura contemporánea galega”. Para Castro Paredes, un certame destas características é vital para dinamizar o xénero, xa que “a literatura teatral é a grande esquecida polas editoriais e no ámbito lector, pero como espectáculo ten unha grande vitalidade, e máis en Galicia, que é unha terra de teatro, as representacións gozan de moi boa saúde”. Como docente de instituto, tamén dirixe o grupo de teatro do centro polo se sinte moi implicado con este xénero literario.
Este non é o primeiro galardón que recibe unha obra súa. O ano pasado con “Pallaso” obtivo o premio Varela Buxán promovido por la Escola Municipal de Artes Escénicas (EMAE) de A Estrada: “Tento escribir sobre o que me gusta ver en escea, pero son consciente que conectar co espectador non depende só de min”. 
A entrega do galardón do Roberto Vidal Bolaño terá lugar o vindeiro 30 de xuño no bar Liceum de O Porriño. Este certame está convocado pola editorial Galaxia, en colaboración co Equipo de Dinamización Lingüística do IES Ribeira do Louro coa finalidade de fomentar a escrita de textos teatrais dirixidos a un público mozo.n