Corea do Sur abre a porta a Franck Sastre, o artista vigués de orixe francesa

Franck Sastre, artista con presencia internacional de orixe francesa e afincado en Vigo dende hai anos, chega ao lonxano Oriente. Así, o museo temático Haegeumgang vén de seleccionalo para formar parte da súa colección permanente “Peace again”. “Estou moi feliz por esta nova, porque é a primeira vez que artisticamente pisaréi esa cidade, amais do que significa ter o meu nome entre os artistas representados”, afirma Sastre en galego, un dos seis idiomas que fala.

O museo que conta co apoio do Ministerio de Cultura de Corea do Sur, monta cos seus fondos exposicións nas súas instalacións, pero tamén organiza propostas itinerantes por salas de todo o país, polo que supón unha boa oportunidade para o vigués de dar a coñecer a súa producción.

A obra seleccionada de Sastre é un retrato de muller neoexpresionista, onde os vermellos rachan cun cromatismo dominado por brancos e negros. Trátase dunha pintura en técnica mixta de dimensións medias, 120 x 100, que co título “Lucce Azzura”: “Representa unha mirada de esperanza ante unha nova luz nas nosas vidas”, explica o autor. Trátase dunha peza realizada durante o confinamento e chamou a atención do xurado que andaba na procura de obras que transmitisen unha mensaxe de paz trala pandemia do covid.

Para Sastre, esta oportunidade ten unha dobre importancia, xa que será o único representante de Galicia: “Son moi poucos os artistas españois seleccionados por este museo e como o galego, aquí vou”. Gloria Grau, artista e comisaria catalana, abríulle o camino cara Asia.

Nado en Périgueaux, Franck Sastre traballa con galerías en Nova York, Palma de Mallorca ou Barcelona, entre outras.