UNIVERSIDAD

Mercedes Gallardo foi elixida como nova decana de Bioloxía

Mercedes Gallardo.
photo_camera Mercedes Gallardo.

“Feliz por todo o apoio recibido”. Así se amosa a nova decana da Facultade de Bioloxía, a profesora Mercedes Gallardo, tras recibir o apoio do 80% das persoas que este luns asistiron á Xunta de Facultade do seu centro para participar nas votacións a decano.  A súa candidatura recibiu 36 votos a favor, 4 en contra e 5 en branco. “Agora o que me toca é intentar facelo o mellor posible para responder a ese apoio que me acaban de dar”, salientou Gallardo, cabeza visible dun equipo do que tamén forman parte o ata agora decano, Jesús Míguez –no cargo desde setembro de 2012-; Fuencisla Mariño, vicedecana de Alumnado e Organización Docente, e Manuel Ángel Pombal, responsable da xestión das prácticas externas e a mobilidade, así como Emilio Gil, como secretario do centro.

A modificación do título de Grao en Bioloxía para incluír orientacións que melloren a formación especializada dos egresados será un dos principais obxectivos. A xa nova decana explica que este proceso iniciouse hai uns meses a raíz da solicitude da Secretaría Xeral de Universidades en relación cos títulos repetidos do Sistema Universitario Galego.

Te puede interesar