O Coruxo ficha a Jorge Fernández e Armental

O Coruxo anunciou onte as contratacións do dianteiro Jorge Fernández Lucas, procedente de La Roda, e do mediapunta Adrián Armental, que xogaba no Boiro. Son dous xogadores de ataque, aínda que Jorge Fernández destaca pola capacidade goleadora e Armental pola capacidade de combinación e as asistencias.

En todo caso, os dous futbolsitas responden a un perfil de xogador técnico e de mobilidade polo que aposta o Coruxo.

Por outra banda, o equipo do Vao comezará os adestramentos o vindeiro 17 de xullo para preparar a sexta campaña consecutiva na Segunda División B. As sesións de preparación estarán combinadas cos enfrontamentos amistosos. O sábado 25 de xullo o equipo vigués xogará en Moraña, pero o rival está sen determinar. Ó día seguinte disputará un partido en Vilagarcía ante o Arosa. O domingo 2 de agosto xogará un triangular en Teo ante Compostela e Somozas. Para o sábado 8 de agosto quedará a visita ó Portonovo e na última semana (14 e 15 de agosto) disputará os partidos ante o Erizana e o Rápido de Bouzas.n