Arbo mellora o vial que enlaza coa igrexa parroquial

O Concello de Arbo mellorou o vial dende As Laxas a Igrexa Parroquial de Arbo co obxectivo principal de optimizar a circulación de vehiculo e aumentar a seguridade viaria na zona. Estas obras de mellora contemplaron a demolición de muros para lograr un maior ancho de vial facilitando o cruzamento de persoas e vehículos, ao ser esta unha zona moi utilizada polos veciños da zona e as súas explotacións agrícolas, procedeuse a eliminación de raíces das árbores próximas e a creación de cunetas pola marxe esquerda.

Realizadas as actuacións previstas, o Concello de Arbo deu por finalizados os traballos cun orzamento asignado de 54.431 euros. Durante a visita a obra, o alcalde de Arbo, Horacio Gil, destacou a importancia deste “acondicionamento co que se mellorou a seguridade viaria e o acceso a unha zona de moito transito como é o cemiterio ou a igrexa parroquial Santa María de Arbo”. “Unhas actuacións moi importantes polas que investimos en total 54.431 euros”, sinalou Gil.

Coas actuacións realizadas optimizouse o servizo que ofrece o vial sobre o que se actúa, a través da súa mellora e ampliación, co obxecto de facilitar a accesibilidade e mobilidade das persoas e vehículos, reparando os muros de contención semiderruídos, ampliando o vial para facilitar o cruce de vehículos e persoas, canalizando as augas superficiais, reparando zonas afectadas polas raíces do arborado perimetral e aumentando a visibilidade e , consecuentemente, a seguridade en zonas de trazado curvo con acceso a parcelas agrícolas.

Estas obras continúan na linea do goberno arbense de mellorar a contorna e acceso á Iglesia, que se iniciaron no ano 2017 co proxecto "mellora e pavimentación do acceso a Iglesia de Santa María” desde a Rotonda das Pesqueiras e consistiron na reparación do muro existente enfronte de la Iglesia, repoñendo pedras caídas e outras actuacións.