O Coruxo recibe esta tarde no campo do Vao (19:00) con entrada de balde ó pechacancelas e xa descendido Cerceda.
O enfrontamento é chave para a formación dirixida para Rafa Sáez no seu obxectivo de evitar o descenso porque comeza a xornada na posición de promoción de descenso con dous puntos de renda sobre as prazas que conducen de xeito directo á Terceira División.
Campillo, Juampa Barros e Fernando son as ausencias na formación viguesa. O seu preparador expresou que "pódese dicir que o tren da permanencia para por O Vao e temos que subirnos. É a nosa posibilidade. Todos sabemos o que nos xogamos e espero que a afección sexa consciente diso e veña a apoiarnos. Será algo fundamental porque é un encontro de moitas emocións e é importante que os xogadores sintan este apoio".
O calendario no treito final de curso é duro para a formación 'verde' e, polo tanto, a vitoria ante o pechacancelas parece fundamental e obrigatoria para seguir na categoría un ano máis. "O Cerceda está descendido a Terceira, pero no últimos dez partidos non está nos catro últimos. Mellorou as súas prestacións e xoga sen presión. Ata a xornada 38 é un equipo máis da categoría a bater por nós", explicou adestrador. Será un partido de moitas emocións para o Coruxo no seu terreo de xogo.
