Atlántico

VIGO

"Non" do BNG aos macrocentros

Xabier Pérez Igrexas, candidato do BNG, na visita ao mercado do Progreso con Ana Miranda.
Xabier Pérez Igrexas, candidato do BNG, na visita ao mercado do Progreso con Ana Miranda.
"Non" do BNG aos macrocentros

nnn O BNG realizou unha visita o mercado do Progreso para trasladar o seu apoio aos comerciantes apostando polo produto local e de proximidade. Xabier P. Igrexas, candidato á alcaldía, e Ana Miranda, candidata ao Parlamento Europeo, recorreron os postos do mercado onde o sentir común que lle trasladaron os comerciantes foi o de total abandono por parte da corporación. “O BNG facemos unha aposta clara polo mediano e pequeno comercio que é o que dinamiza os nosos barrios e o que vertebra a nosa cidade”, explicou Igrexas. E lamentou que a única medida do Concello en política comercial sexa “instalar 9 millóns de luces leds en nadal”. Para o candidato é necesario que “o Concello se implique en apostar de maneira decidida polo mediano e o pequeno comercio”. Para iso propón a declaración da cidade como zona saturada de grandes áreas comerciais: ”Nunha cidade saturada da primeira medida que hai que adoptar é a de aplicar unha moratoria de 10 anos para evitar a instalación de novos macrocentros que non só non xeran emprego nin incrementan o tecido comercial, senón que desertizan o comercio”, dixo. n