A "Mar do Con" remata na terceira posición por diante de Mecos nunha nova vitoria de Ares
Deporte local
Triple vitoria para Coruxo
Penúltima xornada puntuable na primeira categoría da Liga Galega de Traiñeiras e, como é habitual, viviuse unha proba de extraordinaria igualdade no campo de regatas moañés de Meira. O club de Samertolameu, ante o seu público, igualou a mellor actuación do ano e rematou na segunda praza por detrás de Ares, que incrementa a renda no liderado da competición cunha nova vitoria.
Non obstante, a principal loita estaba onte entre Tirán Pereira e Mecos. A "Mar do Con" e a "Mequiña" buscan a segunda posición, que permite disputar a promoción de ascenso á Liga ACT e o terceiro posto para o barco de Benjamín Álvarez 'Benji' foi onte toda unha fazaña e un paso adiante nas súas aspiracións debido a que pechou a xornada con dous puntos de renda sobre o seu rival.
O día comezou con vento do norte e cun sorteo de balizas duro para Tirán porque tiña que vogar polo cuarto carreiro, mentres que o seu principal rival, Mecos, navegaba polo primeiro. Unha situación favorable para os grovenses porque con estas condicións meteorolóxicas o peirao de Meira aminora o vento durante moitos metros do campo de regatas, mentres que na parte exterior e onde corre o aire sen obstáculos e alí levántase máis onda. Neste contexto de regata, Ares mandou dende o primeiro longo, con esa renda sempre favorable pero curta de catro ou cinco segundos sobre os seus rivais. Pola súa banda, no ecuador da regata, Samertolameu, Tirán e Mecos viraron no mesmo segundo, pero os locais desfixeron a igualdade no terceiro longo.
Coa "Terca" camiño da segunda posición, quedaba por dirimir a loita entre Tirán e Mecos, que foi favorable á embarcación do Con por menos dun segundo. Unha marxe estreita, pero que permite ó club moañés chegar á última xornada do sábado con dous puntos de renda sobre o barco grovense. Deberá evitar unha descalificación e meterse na primeira xornada do Teresa Herrera nun dos tres primeiros postos ou, no seu defecto, clasificarse unha única praza por detrás de Mecos.
No referente á xornada de onte, Ares obtivo unha nova vitoria tras mandar con autoridade dende o comezo, aínda que tivo que apertar máis da conta no último rego da proba ante a velocidade de Samertolameu.
En todo caso, a competición ten un ollo posto na xustiza porque Samertolameu e Tirán anunciaron que recurrirán a asamblea que decretou a regata de Ares como non puntuable, o que favorece á traiñeira de Ferrolterra.
Non obstante, a principal loita estaba onte entre Tirán Pereira e Mecos. A "Mar do Con" e a "Mequiña" buscan a segunda posición, que permite disputar a promoción de ascenso á Liga ACT e o terceiro posto para o barco de Benjamín Álvarez 'Benji' foi onte toda unha fazaña e un paso adiante nas súas aspiracións debido a que pechou a xornada con dous puntos de renda sobre o seu rival.
O día comezou con vento do norte e cun sorteo de balizas duro para Tirán porque tiña que vogar polo cuarto carreiro, mentres que o seu principal rival, Mecos, navegaba polo primeiro. Unha situación favorable para os grovenses porque con estas condicións meteorolóxicas o peirao de Meira aminora o vento durante moitos metros do campo de regatas, mentres que na parte exterior e onde corre o aire sen obstáculos e alí levántase máis onda. Neste contexto de regata, Ares mandou dende o primeiro longo, con esa renda sempre favorable pero curta de catro ou cinco segundos sobre os seus rivais. Pola súa banda, no ecuador da regata, Samertolameu, Tirán e Mecos viraron no mesmo segundo, pero os locais desfixeron a igualdade no terceiro longo.
Coa "Terca" camiño da segunda posición, quedaba por dirimir a loita entre Tirán e Mecos, que foi favorable á embarcación do Con por menos dun segundo. Unha marxe estreita, pero que permite ó club moañés chegar á última xornada do sábado con dous puntos de renda sobre o barco grovense. Deberá evitar unha descalificación e meterse na primeira xornada do Teresa Herrera nun dos tres primeiros postos ou, no seu defecto, clasificarse unha única praza por detrás de Mecos.
No referente á xornada de onte, Ares obtivo unha nova vitoria tras mandar con autoridade dende o comezo, aínda que tivo que apertar máis da conta no último rego da proba ante a velocidade de Samertolameu.
En todo caso, a competición ten un ollo posto na xustiza porque Samertolameu e Tirán anunciaron que recurrirán a asamblea que decretou a regata de Ares como non puntuable, o que favorece á traiñeira de Ferrolterra.
