Unha nave abandonada ardeu na tarde do pasado domingo no municipio pontevedrés de Vilagarcía de Arousa, segundo informou o Centro Integral de Atención ás Emerxencias 112 Galicia.
Logo de ser alertados pola central de emerxencias, os bombeiros desprazáronse á rúa de Castriño, onde se sitúa a nave, e procederon a sufocar as lapas.
Ao redor das 19,15 horas, o incendio quedou extinguido. Segundo informaron ao 112 os bombeiros que participaron no dispositivo, o lume calcinou uns colchóns e maleza que había en interior da construción.
Ademais, as lapas tamén afectaron o tellado e a estrutura da nave, que está sen actividade desde hai anos.