Xornal Escolar

Premios Extraordinarios nas Ensinanzas Artísticas

A concesión dos ditos premios supón un recoñecemento ao esforzo e dedicación do alumnado.
photo_camera A concesión dos ditos premios supón un recoñecemento ao esforzo e dedicación do alumnado.

A Consellería de Cultura, Educación e Ordenación Universitaria concede estes galardóns en recoñecemento ao alumnado do sistema educativo galego que cursa as modalidades de Música, de Danza e de Artes Plásticas e Deseño.

 Consellería de Cultura, Educación e Ordenación Universitaria publicóu no Diario Oficial de Galicia a resolución dos premios extraordinarios nas ensinanzas artísticas profesionais nas modalidades de Música, de Danza e de Artes Plásticas e Deseño correspondentes ao curso 2016/17. 
Excelencia educativa
Con estes galardóns, o departamento educativo da Xunta de Galicia recoñece a excelencia educativa de seis alumnos, tres na modalidade de Música, un na de Danza e dous na de Artes Plásticas e Deseño. 
En concreto, os premiados do curso pasado son cinco mozas e un mozo. Na modalidade de Música resultaron galardoadas Marta Rodríguez Otero, do CMUS Profesional Xoán Montes de Lugo; Laura Morales Rejas, do CMUS Profesional de Vigo; e Marina Hermida Rodríguez, do CMUS Profesional Manuel Quiroga de Pontevedra. Pola súa banda, na modalidade de Danza, a alumna recoñecida foi Alejandra Vázquez Barreiro, do CDAN Conservatorio Profesional de Danza da Coruña. 
Os premiados
En canto á última modalidade, os premiados foron María Teresa Fernández Vázquez, do Centro de Artes e Deseño AULA D de Vigo; e Diego Vidal Míguez, da EASD Meste Mateo de Santiago de Compostela. 
Os detalles da resolución poden consultarse no seguinte enderezo web: https://www.xunta.gal/dog/Publicados/2018/20180104/AnuncioG0164-211217-0006_gl.html.  no que se pode consultar as necesidades dos usuarios.
Premios económicos
O premio consiste nunha achega económica de 850 euros para cada un dos galardoados, así como na entrega dun diploma acreditativo. 
Ademais, o secretario do centro público onde estea depositado o expediente académico do alumno anotará nel a distinción e farao constar nas certificacións académicas que se emitan. 
Por outra banda, os galardoados poderán concorrer ao correspondente premio nacional. 
A concesión dos ditos premios supón un recoñecemento ao esforzo e dedicación do alumnado que cursou, cun excelente aproveitamento, algunha destas ensinanzas artísticas profesionais. 
De feito, para concorrer a estes galardóns era necesario ter unha cualificación final media igual ou superior a 8,75 puntos nos dous últimos cursos. 

Te puede interesar