O Godoy Maceira Porriño solventou onte a eliminatoria de oitavos de final ante o Base Villaverde no partido de ida disputado en Madrid ó gañar por un claro 21-35.
O vindeiro mércores no seu pavillón vivirase o enfrontamento de volta con poucas cousas en xogo.
O partido de onte tivo pouca historia para o conxunto dirixido por Abel Estévez. A resistencia do equipo local, actual pechacancelas da División de Honra do balonmán español, durou un cuarto de hora. Aínda que as porriñesas sempre estiveron por diante do marcador, as vantaxes eran cuartas ata o 8-10. A partir de aí, o partido rachouse de xeito definitivo cun parcial de 0-6 antes de chegar o descanso, con protagonismo na anotación para Sara Gil. A extremo, ó igual que a central Ceci Cacheda, rematou con oito tantos.
Cun 10-19 no electrónico chegouse ó tempo de lecer o os primeiros minutos serviron para decantar de xeito definitivo a eliminatoria. O Godoy Maceira Porrio volveu a encadear un 0-6 de parcial para elevar o tanteador ata un 11-25 moi clarificador.
Quedaba tempo por xogar que xa eran un trámite e que tentounos aproveitar a formación da Louriña para repartir minutos e, incluso, probar cousas.
Aínda así, o equipo de Abel Estévez mantivo un alto nivel de xogo e tivo un papel destacado a extremo zurda Sandra López, que anotou cinco goles. Incluso, nos últimos dez minutos saiu á pista a porteira xuvenil Alba Rodríguez, que tivo os seus primeiros minutos co equipo sénior da entidade.
Finalmente o partido rematou co 21-35 que deixa completamente pechada a eliminatoria e o Godoy Maceira Porriño terá o vindeiro mércores (20:00) o enfrontamento de volta ante os seus seguidores, pero será un trámite.
Un ano máis, o equipo de Abel Estévez estará na fase final da Copa, que este ano disputarase en Málaga entre o 20 e o 22 de abril. É un dos grandes obxectivos do equipo nesta tempada.
Base Villaverde:
Wiggins, Andrea González, Judith Fernández (4), Silvia Ausas (5), Yadira Morales (2), Reyes García, Natalia Montilla, Lorena Montilla, Elena Bartolomé (4), Belda (2), Julia Díaz, Cardador (2), Montero, Bouyfounassen, Delgado (2), Gallardo.
Godoy Maceira Porriño:
Ayelen, Babi Cerqueira (3), Sara Gil (8), Ceci Cacheda (8), Alba Dapena (1), Sandra López (5), Nuria Martínez (2), Sarai Samartín (2), Natalia Martínez (2), Danilza Liranzo, Iasmin dos Santos (1), Ana Alonso (2), Alicia Campo (1).
Parciais:
1-2, 5-5, 7-9, 8-13, 8-16, 10-19 (desc.), 11-21, 11-24, 13-25, 15-29, 16-32, 21-35.
Árbitros:
Álvaro García e Juan María Sanmartín. Excluiron a Andrea González, Elena Bartolomé e Julia Diz polas locais e a Alba Dapena, Sarai Samartín, Iasmin dos Santos e Alicia Campo no Porriño.
