CARRERA DE O PORRIÑO 10K

Prognóstico cumprido no terreo chá do Porriño

Alejandro Fernández e Ester Navarrete gañaron a carreira de 10 quilómetros

Salida de la multitudinaria prueba ayer en O Porriño.
Salida de la multitudinaria prueba ayer en O Porriño.
Prognóstico cumprido no terreo chá do Porriño

A carreira popular do Porriño trocou este ano de organizador e de nome, pero mantivo o importante, o trazado chá e, polo tanto, especialmente rápido de 5.000 metros ó que pódese optar por dar unha volta ou dúas, sendo a carreira dos 10 quilómetros a máis importante da xornada cunha alta participación e tamén cun nivel deportivo de calidade.

Deste xeito, os prognósticos cumpríronse porque o ourensán Alejandro Fernández obtivo a vitoria cun tempo de 30:38. O seu ritmo foi especialmente forte e o triatleta Pablo Dapena careceu de capacidade para seguilo, pero aguantou na segunda posición. Ante a gran velocidade experimentada polos dous primeiros, Daniel Bargiela estivo lonxe de optar á vitoria, pero o de Ponteareas foi o máis rápido entre os habituais das probas populares de Vigo e entorno para acceder á terceira posición do podio.
No referente á categoría feminina, a viguesa do Barcelona Ester Navarrete amosou un bo estado de forma para superar con moita claridade á tamén olívica Sandra Mosquera, mentres que a tudense Leticia Fernández, cun rendemento algo máis baixo do esperado, pechou o podio a moita distancia da súa predecesora. Remataron a competición un total de 849 corredores e, como xa é habitual nesta cita, moitos deles tentaron facer a súa mellor marca personal sobre a distancia de 10 quilómetros debido a que o trazado, completamente chá, invita a facer unha tentativa.
Os participantes tamén tiñan a opción de afrontar unha única volta ó percorrido. Neste caso foron 153 os corredores que a remataron con vitoria para Hugo García, aínda en idade xuvenil, que cruzou a liña de chegada con corenta segundos de renda sobre Alberto Fernández. Pola súa banda, María Ángeles Castro foi a máis rápida entre as mulleres, pero neste caso con máis apuros porque Blanca Armenteros cruzou a liña de chegada a nove segundos da primera posición. 
Todos os corredores gozaron dunha xornada case perfecta para correr con temperatura fresca pero non fría e sen choiva, aínda que tiveron que ter paciencia porque a carreira adquiriu un importante atraso de media hora debido á demora para entregar os dorsais ós participantes. Foi ó punto negro nunha xornada que comezou coa disputa de dúas careiras para patíns, unha para maiores con vitoria de José Luis Fernández e Carmen Solla e outra para cativos con triunfo de Xoel Vilariño e Alba Bonilla. 
No referente ós eventos de cativos, a Carrera do Porriño 10K tivo como gañadores a Héctor Rodríguez e Victoria Cons, en cadete-infantil; a Hugo Collazo e Sabela Castelo, en alevíns; e a Pablo Barreiro e Gabriela Bouzada, en benxamíns. Estas carreiras tamén tiveron unha participación notable, con máis de medio cento de corredores en cada unha delas, de xeito que un total de 187 pequeños cruzaron a liña de meta nestas categorías. Moitos deles recibieron os ánimos do público presente na mañá do Porriño, nunha xornada de atletismo familiar e tamén sobre as rodas dos patíns. 
A tradicional entrega de trofeos foi o peche da xornada atlética no centro do Porriño, que mantén a súa popular carreira tras o troco de organización e, en consecuencia, tamén do nome. Unha nova vestimenta para unha proba tradicional no área de Vigo.