Atlántico

CARMEN PRELCHI. XOGADORA VIGUESA DO GRANOLLERS

"Estar na parte alta da clasificación dá un plus"

Carmen Prelchi (Vigo, 23 de agosto de 1999) estará mañá co Granollers na Sangriña ante o Guardés e a vindeira semana comeza a eliminatoria de Copa da Raíña ante o Godoy Maceira Porriño. Dous retos notables para o equipo catalán, que marcha cuarto a dous puntos lo liderado da competición de liga. 

CARMEN PRELCHI. Xogadora viguesa do Granollers
CARMEN PRELCHI. Xogadora viguesa do Granollers
"Estar na parte alta da clasificación dá un plus"

Marchan cuartas, é mellor do que esperaban?
Cando comeza a tempada non podes tirar a pouco. Na comparación co ano pasado, estamos acadando resultados que doce meses antes escaparonsenos por moi pouco. Gañamos en experiencia, é algo que se nota. 

Como afrontan o partido ante o Guardés?
Imos con intención. Quedan dous partido para rematar a primeira volta e queremos sacar o maior número de puntos posibles. Temos ilusión, pero como calquera outro rival.  

Dentro do equipo, falan de que poden gañar a liga?
A nosa filosofía non vai en mirar os resultados de final de tempada. Nós imos cada mes e partido a partido. Primeiro temos que meternos na fase final da Copa da Raíña, que é a competición que remata antes e, despois, na liga loitaremos ó máximo para estar o máis arriba posible. Falta moito, aínda non rematou a primeira volta.  
 

Marchan cuartas, isto dá máis motivación ou xa está ímplicita?
A motivación vai implícita, pero é un plus. Comprobar que o traballo ten unha recompensa, é positivo. É algo bo, un agasallo para o equipo.  

Nos últimos anos, o Granollers foi un dos equipos que puxo en maiores apuros ó Guardés. Cales son os motivos?
Perdemos os dous partidos do ano pasado por un gol. É un sabor agridoce porque estás algo contenta, pero tes esa tristura. En todo caso, no partido de mañá creo que podemos loitar pola vitoria e que gañará o equipo que teña menos erros. O Guardés este ano dispón de xogadoras de menor idade, pero con calidade e moita compenetración entre elas.  

En que mellorou o Granollers?
O equipo ten un punto de madurez que non tiña o ano pasado. Somos un equipo de xogadoras novas, pero agora afrontamos mellor os minutos complicados. É unha evolución do feito o ano pasado. 

Tras a liga, chegará a Copa da Raíña ante un Porriño que vai peor que o Guardés, pero ante o que o Granollers colleita malos resultados. 
O obxectivo é clasificarse para a fase final. É un equipo que non está a obter os resultados que debería pola súa calidade, pero dispón de xogadoras de nivel, que saben xogar e que teñen claros os puntos fortes e os febles. Non teño unha resposta clara ó feito de non obter vitorias ante elas máis alá de que tivo unha boa lectura do noso xogo e que nós non estivemos cómodas polo seu estilo. En todo caso, entendo que temos capacidade para gañarlle. 

Como valora a súa tempada?
Estou probando unha posición diferente. Estou no lateral defensivo e non no centro. Estou aprendendo cousas novas e estou contenta polo reto que me marcou o adestrador e como o estou sacando adiante. Ademais, serve para coñecer cousas novas e tamén para ter unha visión más global do balonmán. 

Máis alá do deporte, continúa cos estudos universitarios?
Este ano deixei de adestrar a cativas porque quería centrarme nos estudos e acadeino. Era un reto persoal mellorar nese aspecto e saquei todas as materias e con mellores notas. Son esixente, sabía que quería mellorar neste aspecto e logreino. Teño pouco tempo, pero como moitas xogadoras da liga, é preciso organizarse.n