Atlántico

VELA SEMANA ABANCA

Dous títulos para o Marítimo de Canido en augas da Ría de Vigo

A Ría de Vigo acolleu onte a segunda e última xornada do Trofeo Concello de Vigo de vela, que se enmarca dentro da Semana Abanca.
Un momento da regata de onte na Ría de Vigo.
Un momento da regata de onte na Ría de Vigo.
Dous títulos para o Marítimo de Canido en augas da Ría de Vigo
O Marítimo de Canido, un dos clubs organizadores do evento, asinou dous títulos por un para o Náutico de Vigo.
A primeira vitoria para e entidade de San Miguel de Oia chegou na categoría Láser 4.7, destinada ós regatistas de menor idade. Carlos García obtivo a primeira posición por diante de Sofía Gaona, do Náutico de Vigo. En Láser Radial, o triunfo tamén quedou na casa coa vitoria de Pedro Fernández. Neste caso por diante de Jacobo Fernández (Gijón) e Jorge Cigarrán (León). 
Pola súa banda, na categoría de Láser Estandar, a vitoria recaeu en Jesse Jackson, do Cayman Island, que superou a Bruno González (Gijón) e a Denis Rodríguez, o primeiro galego na proba nunha disciplina que tivo un bo nivel de navegación en Vigo. 
Na clase Vaurien, o dúo formado por Pablo e Isabel Cabello, pai e filla, superaron a Paula e Paloma González e a Alberto Viejo e Alberto Moráis. Un podio no que todos os integrantes foron do Náutico de Vigo. A cuarta parella, formada por Toné Pérez e Ana Santirso, tamén representou ó club olívico. 
O cadro de gañadores pechouse con Jacobo García e Antoni Ripoll, do Naútico de Sanxento, que obtiveron a vitoria en 420. Nesta categoría, África Alonso e Helena Pérez Canal, do Náutico de Vigo, remataron cuartas.n