¿Dónde estoy?  > Noticias de los lectores

Nova Galicia Edicións comprácese en convidalo/a á presentación do libro “YARED E A RECICLAXE” que terá lugar na Libraría Librouro de Vigo (R/ Eduardo Iglesias, 12) o xoves, 14 de maio ás 20:00 horas

YARED E A RECICLAXE

O acto, organizado dentro do Programa Letras Vivas da Consellaría de Cultura e Deporte, contará coa participación da autora: Meli Sánchez, e do representante de Nova Galicia Edicións, Antón Mascato.


BREVE RESEÑA SOBRE A AUTORA E O LIBRO:


MELI SÁNCHEZ: Mestra de Educación Infantil nun centro de ensino de Vigo.

Ilustrador: PABLO ÁLVAREZ ROSENDO








Yared é o noso protagonista máis especial; recén chegado do outro lado do mundo, do África rural, onde os valores, os ritmos, as necesidades son tan distintas, para vivir con seus pais, e irmáns. Todo é novo para el: a súa familia, a súa casa, a cidade...

Neste volume xenialmente ilustrado descobre que é reciclar, como ao deixar os obxectos que xa non serven neses colectores de cores da rúa dámoslles a oportunidade dunha nova vida. E Yared pregúntase: pasará o mesmo con todas as cousas boas?

Con toda a frescura da inocencia, de ver as cousas cunha mirada nova, os contos de Yared transmiten cor, luz, alegría, expresividade... Cheo de mensaxes positivas e de naturalidade, cunha linguaxe adaptada aos máis pequenos, os libros de Yared axudan a fomentar neles importantes valores de convivencia.