¿Dónde estoy?  > Noticias de los lectores

As mulleres da Paradanta xa se poden beneficiar do centro de dinaminación integral.

O Centro de Dinamización Integral de Mulleres (CEDIM) xa se encontra operativo no baixo da Casa Consistorial da Cañiza e abrangue a comarca do Paradanta, conformada polos concellos de Arbo, A Cañiza, Covelo e Crecente. Trátase dun proxecto europeo co que se pretende promover redes de cooperación transfronteiriza. O Cedim, que está en funcionamento dende fai catro meses, pretende ser un punto de referencia para as mulleres dun lado e doutro da fronteira. Existen centros similares noutros municipios, como son os casos de Tui, Monterrei e Vilaverde (Portugal). Entre os obxetivos do Cedim está a información, orientación e formación para o emprego e atención social das mulleres raianas. As entidades responsables deste proxecto son a Secretaria de Igualdade da Xunta, a Axencia para a Modernización Tecnolóxica de Galicia, a Comissâo para a Cidadanía e Igualdade de Género de Portugal e a Fundación para o Fomento da Calidade Industrial e o Desenvolvemento Tecnolóxico de Galicia.

Horario: de 8:30 a 14:30 de luns a venres, e de 16:00 a 18:30 de luns a xoves.
No baixo do Concello da Cañiza