O conselleiro de Educación, Román Rodríguez, salientou o esforzo, talento e creatividade dos
escolares galardoados; así como o papel clave de profesorado e familias neste sector educativo.
O conselleiro de Cultura, Educación e Ordenación Universitaria, Román Rodríguez, presidiu a entrega dos premios extraordinarios de Bacharelato, de Formación Profesional de grao superior(curso 2015/16) e de ensinanzas artísticas profesionais de Música, Danza e Artes Plásticas e Deseño (curso 2016/17), nun acto celebrado no Salón de Convencións do CINC, na Cidade da Cultura de Galicia. Os galardóns teñen como obxectivo recoñecer a excelencia do alumnado que acadou as maiores cualificacións e que superou as correspondentes probas específicas. Durante a súa intervención o conselleiro salientou o esforzo, talento e creatividade dos tres grupos de alumnas e alumnos premiados, así como a importancia das familias para que acaden bos resultados académicos. Román Rodríguez comprometeuse a que a Consellería continúe traballando para incrementar a calidade do ensino en Galicia " e que o noso sistema educativo siga acadando as cotas de excelencia, que hoxe representades vós".
Tres categorías
Do total de 48 alumnos galardoados, seis fórono na categoría de ensinanzas artísticas profesionais de Música, Danza e Artes Plásticas e Deseño, en concreto Marta Rodríguez Otero (Viola, Conservatorio de música profesional Xoán Montes, de Lugo), Laura Morales Rejas (Violín, Conservatorio de música profesional de Vigo), Marina Hermida Rodríguez (Viola de Gamba, Conservatorio de música profesional Manuel Quiroga, de Pontevedra), Alejandra Vázquez Barreiro (Danza Clásica, Conservatorio Profesional de Danza da Coruña), Mª Teresa Fernández Vázquez (Gráfica Publicitaria Centro Aula D, escola de deseño, de Vigo) e Diego Vidal Míguez (Escultura, Escola de Arte e Superior de Deseño Mestre Mateo, de Santiago de Compostela).
No caso da FP, resultaron premiados 22 titulados, nomeadamente e por familias profesionais, Jonathan de Jesús Carbón Lorenzo (Actividades físicas e deportivas, IES Agra do Orzán, A Coruña), Ana Belén Barrio Carracedo (Administración e xestión, IES Lauro Olmo, O Barco de Valdeorras), Ángela García Fontenla (Agraria, Centro de Experimentación e Formación Agroforestal de Lourizán, Pontevedra), Alba Vilachán Suárez (Artes gráficas, IES Montecelo, Pontevedra) e Noemi Castro Trillo (Comercio e márketing, IES A Guía, Vigo).
