A cultura do popular centro tudense, onde se imparten os ciclos de Educación Infantil e de Educación Primaria, caracterízase por ser
unha comunidade de aprendizaxe, reflexiva e proclive ao cambio e a innovación na escola.
Foi o 11 de agosto de 1969 cando se inagura o Grupo Escolar Nº1 de Tui nunha finca denominada "Rastrillo", situada na rúa Canónigo Valiño. Case cincuenta anos despois, nesta finca atopamos o CEIP Plurilingüe Nº1 de Tui, unha escola pequena de ambiente e tradición familiar. O centro educativo, de tituralidade pública, imparte os ciclos de Educación Infantil e Educación Primaria.
A actividade educativa desta escola está intimamente ligada ao enclave privilexado no que está situado na parte oriental do Baixo Miño e a súa actividade sociocultural e artística.
En Tui está unha das catedrais máis famosas de Galicia, a Catedral de Santa María de Tui e a partir do 10 de febreiro de 2012 xunto á cidade de Valença do Minho (Portugal) forman unha eurociudad como mostra de cooperación e integración entre ambas as cidades separadas tan só por dúas pontes que atravesan o río Miño.
Tui é parada do Camiño de Santiago portugués e o colexio está situado no paso do Camiño, polo que diariamente pasan diante do centro peregrinos, e por iso que o curso pasado todo o alumnado do colexio desenvolveu un proxecto do Camiño de Santiago “Un camiño para Convivir,un camiño para Compartir”, este proxecto deixou pegada sen dúbida na aprendizaxe do alumnado, e tamén no colexio e na cidade de Tui.
No colexio ten colgado un cartel con consellos dos nenos e nenas que lle queren dar aos peregrinos que cada mañá pasan diante do centro coma características das paradas de Tui a Santiago, que deben levar na mochila, dicionario do peregrino, botiquin natural do propio Camiño.... e na cidade de Tui porque os alumnos e alumnas de sexto de Educación Primaria despois de facer unha saída polo tramo de Camiño por Tui para detectar necesidades e así facer propostas de mellora, pensaron en facer un graffiti nunha parede que estaba en mal estado, elixiron un mapa mental de Tui feito por elas e eles mesmos e pediron permisos ao Concello e a Patrimonio, o cal lles foi concedido e desde o mes de maio loce nunha parede do tramo do Camiño por Tui.
Servizos no centro
Cada mañá o centro abre as súas portas ás 7:45 horas para recibir ao alumnado máis madrugador que acude a Aula Matinal, Plan Madruga, e ás 9: 10 horas soa música da semana e alumnado e profesorado comezan a xornada ata as 14:10 hotas.
O centro oferta servizo de comedor de 14:10 ás 16:00 horas e de 16:00 a 18:00 horas diferentes actividades extraescolares coma inglés, robótica, Expresión Corporal e Movemento ou Xadrez.
Cultura de centro
A cultura de centro no Nº 1 de Tui caracterízase por ser unha comunidade de aprendizaxe, reflexiva e proclive ao cambio e a innovación.
É un centro Plurilingüe, Abalar e E-Dixgal, un centro innovador que promove a investigación e a formación de toda a comunidade educativa, que fomenta os principios democráticos de convivencia, respecto, tolerancia, amizade, xustiza, paz, liberdade e solidariedade, que promove a conciencia ecolóxica e a sustentabilidade e que potencia a participación activa e vinculante das familias no centro e facilita a conciliación da vida familiar e laboral.
Entenden que todos os alumnos son intelixentes de xeitos diferentes e procuran que constrúan a aprendizaxe dende as súas fortalezas.
Impulsan a contribución á adquisición das competencias, que nos leva a desenvolver as intelixencias do alumnado e dótalo así de ferramentas para que comprendan e se desenvolvan axeitadamente no mundo que viven.
Creen na capacidade ilimitada do alumnado e cremos na capacidade ilimitada dos equipos de mestres e familiares que conforman o noso centro.
Pretenden que todos os membros do centro se sintan aceptados e aceptadas, ser un espazo onde compartir ideas, proxectos, preocupacións e dúbidas, dende a inclusión, con respecto e comprensión, onde o traballo en equipo enténdese como unha oportunidade para compartir e desenvolver coñecemento e onde invitar aos alumnos e alumnas a descubrir que as súas accións repercuten no seu entorno e que elas e eles son os protagonistas desa transformación.
A comunidade co colexio e a dirección apuestan por un centro aberto ao mundo, á súa contorna máis próxima, a toda a comunidade educativa, no que a prioridade é a formación integral das persoas dotándoas de ferramentas para que comprendan e se desenvolvan no mundo no que viven e no seu futuro.
