A tripulación de Coruxo perdeu unha ocasión, pero tamén deu un paso decisivo nas súas aspiracións de obter o título da Liga Galega B e ascender a primeira categoría do remo galego.
Nunha proba disputada na modalidade de contrarreloxo, debido ós problemas no campo de regatas de Cangas, a tripulación viguesa quedou a nove centésimas da segunda posición que ocupou Perillo, e que sería, salvo unha enorme sorpresa, asegurar a primeira praza.
Non obstante, a terceira praza de onte ofrécelle a Coruxo unha situación inmellorable de cara á derradeira regata puntuable na Liga Galega B. Se remata entre os tres primeiros en augas de Esteiro o vindeiro sábado, será campión da segunda categoría do remo galego e obtén o ascenso de categoría. Se cae ata a cuarta praza, dependería do posto ocupado por Bueu, Mecos e Perillo, os seus rivais directos na categoría.
Na proba de onte, a "Maruxía" do club de O Morrazo sumou a súa primeira vitoria do curso tras varias semanas moi preto dela. Deste xeito ascendeu ata o segundo posto na xeral a dous puntos de Coruxo. Pola súa banda, Mecos, que chegou líder a esta fin de semana, foi cuarto e alónxase do título.n
