nnn O Celta ten este mediodía na Madroa (12:00, Gol) un enfrontamento chave porque recibe ó líder, o Sporting de Gijón, que dispón dunha renda de catro puntos sobre a formación viguesa. Polo tanto, a vitoria dos xogadores de Jorge Cuesta suporía meterse de cheo na loita polo título e, se o Deportivo gaña o seu partido, deixar a tres equipos na cabeza da táboa en tres puntos. Por outra banda, unha derrota céltica suporía, practicamente, pechar calquera opción de loitar polo campionato e os vigueses terían que reformular o ano e pensar en meterse na Copa como máxima aspiración. Franco Lobos, co Celta B, é a baixa dos célticos.
Val Miñor-Compostela
O Val Miñor recibe este mediodía en Condomínguez (12:00) ó Santiago de Compostela nun enfrontamento moi importante para evitar o descenso porque mídese a un equipo que, nestes momentos, está en posicións de baixar a Liga Nacional e que suma seis puntos menos que o equipo de Nigrán. A formación dirixida por Álex Villar acumula unha xeira de tres partidos sen gañar.
Perines-Areosa
O Areosa, en posicións de descenso, viaxa ata terras cántabras para enfrontarse ó Altético Perines (12:30). O equipo de Santander está na zona media e os vigueses a catro puntos da permanencia.
Deportivo-Alondras
O Alondras, cun punto de renda sobre o descenso, visita ó segundo, o Deportivo (17:00). Un partido de extrema dificultade.n
