Onte se concentraron no campo de xogos deste colexio de Mos, para lembrar que as súas demandas son 'urxentes' e que o colexio cada ano, está en peores condicións
nnn "Onte pola tarde nos concentramos nais, pais alumnado e profesorado no campo de xogos do colexio CEIP Pena de Francia para demandar os arranxos que necesita o colexio". Foi unha chamada de atención para ver si alguen lles fai caso "dunha vez por todas", explican a este diario.
"Levamos anos reclamando a Conselleria de Educación que subsane o mal estado dos teitos, fiestras, grietas e as mini-aulas, e nos sentimos totalmente desamparados e abandonados por esta institución, a cal solicitamos audiencia o ano pasado e ainda non recibimos contestación".
Incluso -indican-, "con unha moción demandando á Conselleria de educación que acometa urxentemente ditos arranxos, que foi aprobada por unanimidade no pleno do concello de Mos". E engaden, que despois de numerosas reunións coa concelleira de Ensino mosense, "para que transmitise estas imperiosas necesidades á delegación provincial de Educación, a edil desentendeuse do colexio máis grande é máis vello de Mos", afirman.
Asi as cousas, calquera que entre no colexio "vai quedar asustado co lamentable estado do falso teito, coas grietas do chan e paredes que cada anos son máis grandes, cunhas fiestras antigas que obrigan a un uso excesivo da calefacción para suplir a falta de aillamento, sen esquecer as mini-aulas, que menoscaban a calidade educativa do alumnado que as ocupa". Ante este panorama, a ANPA non ten outra saida que realizar actos revindicativos e programar un calendario de actuacións cara ao novo curso.n
