A estrea deste documental de memoria oral con 17 mulleres será na primavera de 2017
nnnUnha foto tomada en Vilaza (Gondomar) o 25 de abril de 1959 é o punto de partida do documental "Eu tamén necesito amar". Na instantanea participan os asistentes á voda de Antonio e Pura, os pais do realizador gondomareño Antonio Caeiro e foi tomada á saida da igrexa logo da cerimonia. Entre os familiares da parella hai tamén unha nena de seis anos, irmá do realizador, que nacera cando a sua nai estaba solteira. Esta historia persoal é a que levou a Antonio Caeiro, autor de documentais como "A Volta dos Nove" Aillados e "A memoria nos tempos do volfram"a mergullarse na historia real de 17 mulleres que como a súa nai falecida hai tres meses sin contar a sua historia diante das cámaras, viviron unha época de ditadura e represión na que amosar sentimentos e afectos non estaba permitido.
O Centro Cultural de Mañufe acolle este sábado a presentación do proxecto que conta cunha subvención da Deputación de Pontevedra. No acto, presentado por Ollomol Audiovisual de Gondomar e a Asociación cultural O Faiado da Memoria de Vilagarcía ofrecerá aos asistentes as claves do por qué deste proyecto , un documentar de máis de 60 minutos de duración que se estrenará na primaveira de 2017.
Na cinta so aparecen as vivencias de personaxes femininas "porque teñen moito máis percorrido e moito máis que dicir neste tema que os homes", dixo Caeiro.
Na cinta, as protagonistas narran o seu paso de nenas a mozas, as primeiras conversas cos mozos, os primeiros encontros nos salóns de baile que había en Mañufe e Mordagans ou en Nigrán.
Ademáis do seu traballo como realizador, director e guionista de documentais, Antonio Caeiro é a cabeza visible de O Faiado da Memoria, un proxecto de recuperación da memoria histórica e do patrimonio audiovisual, a través do cine e fotografía antigas en Vilagarcía de Arousa.
Caeiro ten traballado en videoclips, documentais e publicidade. No mundo da video arte ten feito intervencións multimedia coa Escola de Danza Universitaria da Universidade de Santiago entre as que destaca “O museo”. Como guionista de televisión realizou a serie documental “Os ríos” e o programa concurso “A noite meiga”.
Interesado na historia do presos na illa de San Simón no 1936 foi co-escritor dun libro e director dun documental “Aillados” na memoria dos presos do 36 na illa de San Simón.n
